使用條款 | 私隱政策

港股⋯風水又中

2019年港股收爐,全日收市報28189.75點,全年累計升2344點,升幅9.07%

今年恒指高開低走,年中現低位,係去到呢一兩個月先低位回升。

盤點風水,今年真係中晒。

先講今年農曆開年, 劉業強於年初二為港求得86號中籤,解曰:「出入謹慎、家宅不吉、自身平安、求財不遂」

就咁睇恒指,今年上半年真係想「求財」,點知中美貿易戰愈演愈烈,唔少人手上都「蒸發」咗上半年算幅,去到今日,的確係「求財不遂」,咁又一年嘅感覺。(舊曆新曆疊得近,今日都已經係「十二月初六」,都好快農曆新年)

再睇睇里昂(CLSA)風水,張圖簡直同恒指圖一樣﹗當時里昂報告評價,港股可能會最後「雞冠凌亂」,你睇連李小加都要沽港交所,殺市場個措手不及。

講完報告,再睇蘇民峰年初預測,年初佢話,港股入秋時分迎來高點,但他預計升幅非常有限,不超過29000點。而睇返恒指,年中後,又真係無見過29000點。

就咁睇,香港又唔算太衰,恒指都仲係有升幅9.07%,樓市未見「完美風暴」爆煲…恰好蘇民峰年初亦講過香港其實未轉地運,下一個交界係2024,先會轉運向下。

2019年過去,好多人話香港玩完,因為反送中引發的後續風波,令市場彌漫悲觀情緒。但睇最終成績表同風水,又唔係太差…有時候真係信不信由你。

暫時盤點市場以「風水」對明年預測都比較樂觀,也祝大家新一年真的可以「和氣生財」啦。

===============

精選資訊網站「中環街市」  臉書粉絲頁

最近的19+幾樣野

港股⋯風水又中

掌管亞視 林文龍的優勢

勞力士歐洲加價約7%

黃藍經濟圈內憂外患

澳門難成為金融中心

心理學家道出 選股偏見成因

小米電飯煲攻日

Uber Eats預測:明年流行20種食物

中國包圍網?