使用條款 | 私隱政策

渡輪等翻生

港鐵不時早收又不時關站,久而久之已迫使唔少人養成少搭港鐵習慣。紅隧停擺事件,亦令大家思考係時候要增加過海方式。這個氛圍下,小輪或有機會發揮其冰封多年的商業價值。

現時港島兩條最熱門過海線係中環及灣仔過尖嘴,經過幾個月「特訓」,唔少在這兩區的上班族都唔介意行多一大段路去搭船,除了唔怕像港鐵般忽然收站,仲可以享受一下過海悠閒時光。當乘客已開始Ready選擇搭船,而且現實情況有需要幫港鐵疏導乘客,再加上小輪業三大玩家九倉置業、恆基及新世界的實力,確實有機會爭取更多過海航線。

 

人口密集的將軍澳,近年便湧現居民要求增建碼頭開辦小輪航線聲音。至於荃灣,只要擴建荃灣碼頭亦可以開辦往返港島與荃灣航線。對發展商而言,在民生區開辦小輪航線,亦可以為臨海住宅增添多一項交通選擇賣點,特別係對一些已唔多想搭港鐵的中產而言就更具吸引力。

小輪翻生另一潛力還有已被人遺忘的汽車渡輪,原來恆地旗下香港小輪仍有營運汽車渡輪,不過只用作運送危險品車輛往返北角及觀塘,還有懷舊汽車渡輪河船服務,讓車主可以駕著愛車直駛入渡輪,再上船艙遊船河。既然政府近來都搞免費渡輪,恆地倒不如趁機申請復辦汽車渡輪服務,作為提防隧道突發性事件的支援系統,而且多一個平價駕車過海選擇,政府亦可以作為抵禦要求過海隧道減價的理由。

一旦小輪成功翻生,最大收穫睇來係恆地,皆因多年來香港小輪都係把小輪業務縮到最小,「子彈」都用來發展物業項目。但當形勢逆轉,手上的小輪又可以變回吸金工具。

當年那些「硬件」仍在,要改變用途再發展應該不難再吸引私營進場;最後更有機順便「光復」啟德郵輪碼頭,本屬規劃失敗的項目,突然搖身一變,變成海路交通的「紅磡」,影響幅射旅遊業,人流肯定比今天更好吧?

===============

精選資訊網站「中環街市」  臉書粉絲頁

最近的19+幾樣野

【疫情之下】冇晒遊客 奈良鹿行街街四圍走

港股⋯風水又中

掌管亞視 林文龍的優勢

勞力士歐洲加價約7%

黃藍經濟圈內憂外患

澳門難成為金融中心

心理學家道出 選股偏見成因

小米電飯煲攻日

Uber Eats預測:明年流行20種食物