使用條款 | 私隱政策

同事吹投資 最忌扮專家

今時今日與同事講時事已成大忌,大家又無心機傾八卦新聞,除了講手機,另一破冰話題係投資。不過與同事吹投資,你須要留心一些「安全指引」。

唔熟唔講:

雖然叫做吹水,但一味齋吹好快就會露底,所以與同事吹投資,點都要平日做定功課,選擇一些自己感興趣的戰線,例如消費股、科技股,刨足資料,吹起上來才不會講幾句就乾塘。

另闢戰線:

大家熟悉的投資課題如港股,講兩講就未必有興趣,一些同事們未必有涉獵的課題如美股、年金,當他們聽到你原來有玩有研究反而會鉤起他們的興趣。

輸多贏少:

投資與賭波一樣,唔少人講開都偏好狂數自己贏錢威水史,對輸錢經歷就隻字不提。但這種態度只會令同事或上司覺得你攞威兼激起他們的妒忌心,其實人的心理是喜歡聽別人的瘀事,所以講投資,倒不如多談自己交學費經驗,甚至越膠越好,令討論氣氛更和諧。

忌扮專家:

吹噓自己投資威水史另一危機,係會引來「真心」同事問你拎貼士,甚至畀筆錢「搭單」叫你代為操盤,如果你不慎代入投資專家角色,頻頻派貼士或幫同事投資,稍為失手就會觸發與同事為錢反目,最嚴重後果係自己無法在團隊立足而要被迫跳船。考慮到扮專家後患無窮,所以與同事吹投資,久不久就要再強調自己係燈神多於專家。

忌扮專家尚有一大因素,就係公司可能潛藏不少投資大戶,除了你老細,清潔阿姐都可能係隱世富豪,曾聽聞真人真事有清潔阿姐聽同事們吹投資,不經意提及自己動用五十萬元抽某隻人氣新股,打聽之下才知道阿姐與家人早年在內地某省市有幾幅農地,受惠開發計劃賣地套現近千萬。想像一下如果你公司潛藏這類隱世富豪,他們聽到你大大聲吹噓自己幾萬元上落的投資成績,相信只會忍笑忍到出眼淚之餘,你也白白斷送了一個攀附清潔阿姐的機會

===============

精選資訊網站「中環街市」  臉書粉絲頁

最近的19+幾樣野

施永青獻計:宜多一個50年不變

9大指標 看特朗普

政治燒到迪士尼

傳會有「提款法」?

港幣100蚊變藝術品 蘇富比45萬成交

住公屋,未必一定窮

同事吹投資 最忌扮專家

美國總統候選人 到底有幾多身家

本地企業家 誰是「和你傾」高手?

美食車點解會失敗