使用條款 | 私隱政策

香港師奶 後悔撤出碧桂園

近月周末落街買宵夜都漸變成練膽挑戰,亂局更開始深入藍籌屋苑社區,有產階級固然擔心樓價跌身家縮水,更誇張係有師奶開始後悔賣大陸樓搬返香港住。

話說這名師奶與老公(即筆者朋友)退休後,嚮往內地豪宅可以種花耕田寫意生活,於是坐言起行賣的士一炮過買入碧桂園某大屋苑的三層別墅。搬入豪宅初期生活確實一如想像中寫意,特大花園可以讓他們過足種花種樹癮,租一塊田種菜及再與鄰居交換作物,蔬菜又可以自給自足,至於電視,習慣睇內地台就問題不大,唯一難題係上網限制多,幸好他們當年網癮唔大,有無得上都問題不大。

不過住了兩年,師奶與老友忽然決心賣屋,導火線原來係每天起身望到的早晨風景。話說不知何解,他們對面屋有一名哥仔,每天早晨都喜歡在自家花園草地開大,師奶老公每天早晨到花園淋花,迎接他的就係此風景及飄過來的異味。即使作出多次投訴,但情況依舊,他們唯有策動賣屋回流香港。

(碧桂園代言人湯唯)

當年內地樓市交投仍然火熱,別墅有價,賣屋套現剛好可以入手年前開售的元朗某豪宅,師奶換樓兼回流成功,持有的元朗豪宅物業亦有相當的升值,每次向親友提起此事都不禁沾沾自喜。可惜好景不常,元朗事件後,劈價成交個案湧現,師奶認識的屋苑鄰居亦大呻放盤多時準買家都係得個睇字,師奶看到此形勢,不禁向親友吐苦水後悔當初撤出碧桂園的決定,繼續留守碧桂園頂多只係繼續要欣賞離奇早晨風景,總好過現在滯留在元朗過著擔驚受怕的生活。

師奶進退兩難,幸好尚有一絲安慰,就是師奶購入元朗豪宅後,火速說服子女換樓換區,於是一個家庭就在同一屋苑揸四個單位居住,叫做有天倫之樂,真正實現齊上齊落也。

===============

精選資訊網站「中環街市」  臉書粉絲頁

最近的19+幾樣野

施永青獻計:宜多一個50年不變

9大指標 看特朗普

政治燒到迪士尼

傳會有「提款法」?

港幣100蚊變藝術品 蘇富比45萬成交

住公屋,未必一定窮

同事吹投資 最忌扮專家

美國總統候選人 到底有幾多身家

本地企業家 誰是「和你傾」高手?

美食車點解會失敗