使用條款 | 私隱政策

歐洲熱浪大爆發 邊啲股買得過?

香港三十幾度好難頂?相對北半球多個地球只係濕碎料。歐洲多國近日溫度衝破40度,法國南部更高見46度,美國東岸及中西部區域亦高見43度,甚至連波士頓Braintree警局亦發文呼籲賊仔應留家煲劇休息,言下之意係唔好要勞動佢哋在高溫之下出動。

以往踏入夏天,散戶都會自動自覺留意一下啤酒股,可惜經歷百威亞太上市撻Q一役,冷卻了大家對啤酒股的熱情,而且內地啤酒市場競爭激烈,在鬥平形勢下,多咗人隊啤消暑,純利都未必會大升。

唔揀啤酒股可以留意電力及飲品股。今次熱浪波及加拿大、荷蘭、英國、葡萄牙,電能實業都在當地擁有發電、電網及轉廢為能業務,熱浪爆發後,法國已出現冷氣搶購潮,預期歐洲多國大城市商業及住宅物業都會冷氣全開,電能海外業務收入將會水漲船高。而且電能股價相對同系長江基建硬淨,可以較安心押一口「熱浪注」。

至於飲品股,可口可樂受惠無糖汽水等新產品帶動,第二季盈利26.1億美元,增長近13%。今次熱浪席捲北半球,刺激消費者對有汽解渴兼低糖產品需求持續上升,可口可樂來季盈利應可再睇高一線。

假如熱浪一年勁過一年,全球各大都會消費者每逢夏天,都可能會減少出街寧願留家上網打機煲劇,這趨勢對Google、積極與任天堂強化遊戲業務的騰訊都有利,如果長線睇好科技巨企的「熱浪優勢」,不妨趁近期反壟斷調查震盪尋找吸納機會。

熱浪成為全球新常態,有沒有投資需要避開?如果全年大部分時間都係夏天,羽絨股自然首當其衝受影響。還有一個市場要留神,就係不斷被人唱好的印度市場,原來印度是熱浪重災區,今個熱浪曾突破50度,大城市更出現缺水危機,更有專家預期未來當地有廣泛地區將熱到不宜人居住。憧憬印度會取代中國成為高增長經濟體而入手印度股市ETF的朋友,就要認真衡量氣候風險了。

===============

精選資訊網站「中環街市」  臉書粉絲頁

最近的19+幾樣野

施永青獻計:宜多一個50年不變

9大指標 看特朗普

政治燒到迪士尼

傳會有「提款法」?

港幣100蚊變藝術品 蘇富比45萬成交

住公屋,未必一定窮

同事吹投資 最忌扮專家

美國總統候選人 到底有幾多身家

本地企業家 誰是「和你傾」高手?

美食車點解會失敗