使用條款 | 私隱政策

繼滙控後 超級民企投資目標會不會是長和系?

早前內地市場風向係國進民退,但平保火速成為滙控大股東,揭示超級民企可能啟動新一浪策略投資潮,繼滙控後,還有甚麼民企進擊的投資目標呢?

平保增持滙控,據平保管理層解畫,是看中滙控長期增長潛力及穩定派息。撇開政治因素不談,這兩個原因其實都講得通兼具有指標作用。皆因面對貿易戰及經濟疲弱,內地超級民企本業日趨難撈,既然本業增長乏力,倒不如學股神般大手掃入優質股,透過投資開拓穩定收入。

從此策略考慮,滙控確實具吸引力,收益率逾六厘兼一年派四次息,揸重滙控分分鐘更勝倒錢開拓新業務。擁有穩步增長及高息概念的藍籌股,除了滙控,同系恆生亦有吸引力,以股價計,恆生是本地銀行股王,收益率亦逾3厘,而且有品牌效應。至於磚頭股,類似滙控營運模式,由專業管理人揸莊、增長及派息均穩定的領展,亦切合超級民企在港股市場分散投資的口味。

除了求穩陣,超級民企選股另一個暫時未說出口的條件係海外業務。過去親身四出在海外購物的民企,今年都為了超高負債而大瘦身,管理層亦要大換班。既然親身搜購的策略而亮了紅燈,超級民企就要變招,透過掃入擁有海外業務的本地藍籌股曲線投資,業務遍全球的滙控自然成為首選目標之一。除了滙控,擁有最多海外業務,大家都會想起長和系,雖然剛剛在澳洲的收購受阻,但長和系已儲起大堆海外基建、零售、電訊業務,正切合超級民企長線投資的條件。

超人父子近期密密增持,或許正是留意到此風向做定持股加固工程,當然如果超級民企像平保般講明只係持股不派人入董事局,對被選中的藍籌股影響就較細,並對股價有一定刺激作用,想趁港股大調整入貨的散戶,不妨做定功課,篩選一下有機會被超級民企睇中的藍籌股,或會有意外收穫。

===============

財經精選資訊網站「中環街市」  臉書粉絲頁

最近的19+幾樣野

港珠澳大橋通車後 旅遊業八大難題

現在應該轉按(湯文亮)

百間內房瘋狂賣樓 好像樓價不會跌一樣(隨心)

繼滙控後 超級民企投資目標會不會是長和系?

研究顯示:被公司炒魷魚 有助激發競爭力

金庸的版權智慧

同銀唔同命(湯文亮)

中年人找工作的四點建議(黃大米)

盤點A股打氣機斤量

鮑威爾不敢加息(湯文亮)