使用條款 | 私隱政策

星美系疑似爆煲?TVB減人縮皮都無用

 

大台TVB近來形勢大好,《延禧攻略》引爆追看潮,早前公布的中期業績純利回升至2.01億元。行政總裁李寶安亦順便派發「喜訊」,TVB會繼續努力裁員瘦身,料年底前再減不多於5%人手,即再Cut二百人。Cut人對員工係惡夢,但對TVB股東來說,減人縮皮,有助大台可以繼續穩派股息,當然係好消息。

正當大家以為大台最壞時刻已成過去時,忽然驚傳一單「拆大台」消息,涉事核心人物正是北京頂級夜總會「天上人間」前老闆覃輝。話說覃輝名下的星美系近日疑似爆煲,按星美控股公告,集團收到多名人士追數追息通知,集團更有四名董事跳船,明顯釋出「唔掂」訊號。而大台母企電視廣播,卻揸住一批星美控股可換股債券(CB),當初認購金額達6.52億元,年利率為7.5%。從投資角度看,債息確係和味,但現在就面對賺息不能兼要撇帳的風險。

 

6.52億元聽起來唔係大數目,似乎對電視廣播只係有限錢,但今時唔同往日,大台要幾經努力才賺到2.01億元利錢,中期業績收入亦只有22.31億元,如果這條爛帳入數,大台即使大手加碼縮皮Cut人亦未必夠填這條數。對一心賺高息繼續揸大台股票的散戶來說,這確實是一個黑天鵝級的消息。

或許會有人問,何解大台當初會大手押注星美控股的CB,高息固然係誘因,另一原因係大台轉莊後一直想進軍電影業,曾經擁有強勁戲院網絡的星美系,似乎係一個值得投資的盟友,豈料星美的戲院王國竟然是如此脆弱不堪。如此峰迴路轉的劇情,相信連擅長製作劇集的大台管理層都會感慨:「我估到個開頭,但係就估唔到,竟然唔係BBQ結局」。

【相關搜尋】國泰對沖期油巨虧的秘密

===============

財經精選資訊網站「中環街市」  臉書粉絲頁

最近的19+幾樣野

【轉載文章】華為太子女被捕4大疑點

有錢人戴手錶的哲學

止賺其實是折讓(湯文亮)

誰來拯救廚師腸?

毛記葵涌有盈喜都唔講(隨心)

不要奢望樓價會下跌35%(湯文亮)

熬夜猝死 原來都有保險⋯⋯(隨心)

《少年JUMP》真人騷 揭示日漫市場問題

大市弱,但新股照趕撲水⋯(隨心)

港珠澳大橋通車後 旅遊業八大難題