使用條款 | 私隱政策

我從馬時亨身上 學懂的6件事

呢兩日全城關注港鐵,筆者作為老馬長期fans,簡單講下「老馬智慧」,分享一下從馬時亨身上,你可以學到啲乜?

1.要搵真銀

當年老馬藝高人膽大,急流勇退,離開政府後入商界搵真銀越戰越勇,個故事又無犯駁,實在值得一眾高官借鏡。

2.永不放棄

2002年,老馬時任財庫局局長,當時港交所發出一份諮詢文件,建議將股價持續30日低於0.5元的股份除牌,其對細價股影響之大,有如「八萬五」,路人皆見散戶哭訴「斷人衣食,猶如殺人父母」。「仙股事件」後老馬民望大跌,但他沒有放棄,最終到了今天,他仍能笑看風雲,不愁沒工打。

3.狡兔三窟

老馬重投商界後百足咁多爪,從前有隻狡兔只有三窟,但老馬人緣好,隨時多過三窟,現時明顯是政府與港鐵需要馬時亨,多於馬時亨需要港鐵,所以老馬噏乜都得,之前佢話:「我哋話OK就得。」應該是他的心聲。打工仔要記住,如果唔識轉工同識多啲老細,真係會好輸蝕。

4.老馬有火

今次港鐵爆鑊,馬時亨講到明,就算制度好,如果同事唔跟制度,管理層都唔會知,同之前「我哋管理層唔使瞓覺」一樣,講中晒班高層心聲。唔好以為馬時亨已經回晒塘,見佢講到七情上面,老馬真係有火。

5.虛張聲勢

有責任感但又請辭,就算自相矛盾,但只要你講多幾次,就有人信你真係一個負責任嘅打工仔;老馬呢次技驚四座,全地球打工仔都要學學佢。

6.留得青山在

裸唔裸辭,永遠都係牛唔飲水唔撳得牛頭低,但繼續企月台,哪怕無港鐵?馬時亨如今搖身一變,就成為留低重組港鐵嘅英雄,老虎蟹都留啦﹗

每位公眾人物,都有大家值得學習的地方,老馬當然不例外;大家下次等車時,不妨重溫老馬金句解解悶。

===============

財經精選資訊網站「中環街市」  臉書粉絲頁

最近的19+幾樣野

【轉載文章】華為太子女被捕4大疑點

有錢人戴手錶的哲學

止賺其實是折讓(湯文亮)

誰來拯救廚師腸?

毛記葵涌有盈喜都唔講(隨心)

不要奢望樓價會下跌35%(湯文亮)

熬夜猝死 原來都有保險⋯⋯(隨心)

《少年JUMP》真人騷 揭示日漫市場問題

大市弱,但新股照趕撲水⋯(隨心)

港珠澳大橋通車後 旅遊業八大難題