使用條款 | 私隱政策

【賺過億】日本城業績的啟示

 

經營日本城的國際家居零售公布全年賺過億,消息一出股價即炒上,與股王騰訊形成強烈對比。從日本城的厲害業績,亦提醒我哋係時候發掘舊經濟的投資機會。

日本城品牌有點老土,本業又係平平無奇的生活雜貨,對炒慣焦點股、明星股的散戶來說,似乎吸引力一般。所以日本城全年純利上升逾三成兼賺過億,此業績確實令不少散戶嚇一跳。其實細心留意你屋企周邊的社區生態,就會發現日本城早已捕捉到一個厲害商機,便是小店極速消失。

近年租金爆升,加上社區購物漸漸以商場為核心,這些趨勢都會迫走財力較弱的小店。當整個社區都沒有一間像樣的水電店及家品雜貨店,大家要買廁紙、地拖、燈膽,唯一選擇就係日本城。日本城持續擴張社區插旗布局,隨著租金回落,就可以完全受惠沒有對手,純利自然拾級而上。

按著此套路去思考,社區極速消失的小店還有零食糖果舖、街坊麵包店、街坊洗衣店及專賣外賣飯的街坊頹飯店。零食糖果舖及街坊麵包店消失的受惠股份,首推經營OK便利店及聖安娜餅店的利亞零售。至於街坊洗衣店,取而代之係近年大受歡迎的自助洗衣店,現時市場上分店最多的玩家有水漾衣坊、洗得喜及洗衣寶,以投行邀請企業上市的「效率」,相信很快我們有自助洗衣集團招股上市。

還有個更重要因素,本地消費增長,還有賴於港人近年幾兩年於股海「無乜肉食」,減少出遊渡假,與其去日本逛100yen店,例不如行行AEON、日本城更為化算。

至於街坊頹飯店,能夠取而代之,可能唔少廢青都會投「波仔」一票。話說經營「波仔」是老牌餐飲集團陽光一代,而陽光一代於數年前已賣盤,雖然新老闆曾明言對上市無乜興趣,但從「波仔」又搞沙律菜又搞自助售賣機的動作,又不排除負責實際營運的太子爺想搞上市,一旦成事,我哋又多一個投資街坊飯盒股的機會。話唔埋這類街坊生意「獨角獸」日後回報可能媲美日本城,更勝擔驚受怕買內地車股及手機設備股吧。

===============

財經精選資訊網站「中環街市」  臉書粉絲頁

最近的19+幾樣野

商場大戰3.0 內地品牌大舉攻港(隨心)

外國富豪名流 每小時賺幾多錢

上市公司CEO年輕化(隨心)

國進民退是社會主義重臨?(奧雲)

如果2025年由內地供電,香港仲有無錢景?

道指跑贏恒指 市場訊息懶人包

「民間特首」劉德華 真情旁白撐填海

香港難再有賊王出現(奧雲)

星美系疑似爆煲?TVB減人縮皮都無用

特朗普可能中了驕兵之計(湯文亮)