【用家角度】小米最好的不是手機

新經濟真係好有趣,年頭人人都講嘅加密貨幣,暑假未到已經靜靜悄消失於大眾眼前。去年年尾開始立約參與「Cloud Mining」嘅散戶忙於計數,深怕無法回本。唯比特幣挖礦硬件製造商已經先賺第一桶金,更準備來香港上市賺第二桶金,繼續參與挖礦似乎唔再係一個好選擇。

與挖礦唔同,公司上市唔係新鮮事,市好市壞都有公司上市,只係市好特別多。反而重點係個市點解要上。

當年小米手機推出,大眾震驚智能手機可以賣到咁平,人人喊好嘅時候。雷軍斷言小米 5 年內不上市,令不少人大跌眼鏡。

5 年後嘅今日,小米手機質素同價錢一樣,大家心中有數,但小米選擇依家來上市,未必真係貪同股不同權。望完小米盤數,貢獻七成收入嘅小米手機錄得虧損,難怪以數字來分析的朋友都搖頭嘆息。始終小米不是蘋果,在中興被人封喉嘅情況下,誰不怕小米被人打到休克,更何況小米產品在出口歐美與產品設計上便經常有「參考他人」的疑慮,實在難以令人放心。

事實上,米粉應該有感覺到。在云云的小米產品中,小米週邊產品等遠較手機吸引,特別是那些香港沒有發售的家居產品與周邊配件。如果盼望小米在網絡業務、廣告與網上遊戲收入上有增長,成為盈利來源,不如期盼智能家居的爆發點提早出現,小米能夠真正加大投資。看看日本的 SONY,手機業務仿佛是集團其他部門的宣傳工具,奢望手機業務能持續利還是有點勉強。

小米形勢,上市也在其業務發展的情理之中。

作者:石先生(科技博客Stone IP)

===============

財經精選資訊網站「中環街市」  臉書粉絲頁

最近的19+幾樣野

旺角行人專用區快成集體回憶?(黃漢成)

港股會否引入「送禮文化」?

【總結貿易戰】特朗普不想中國急起直追(奧雲)

400萬去美國買樓 買到啲乜?

香港要靠業主發展創科(石先生)

新地點解咁勇

中國人未富先老

百佳會唔會輸俾王維基

Uniqlo用人魔法 思捷可以複製嗎?

【深圳彩訊】香港職位 再現北移現象