使用條款 | 私隱政策

【因時制宜】毛記葵涌仲抽得過嗎?

港股跌唔停,又被野村指響起54個金融危機訊號,似乎都無乜好消息可以沖喜一下,難得的「清泉」可能係捲土重來的毛記葵涌成功通過上市聆訊,據傳月內啟動招股集資額達1億元。近年輸到怕的一眾散戶,心中都不禁浮起一大疑問,今時今日毛記葵涌仲抽得過嗎?

毛記葵涌再啟動上市,牌面睇有兩大弱點,一是盤數大倒退,參考再申請上市文件,截至去年1130日止八個月毛記葵涌淨賺516.7萬元,盈利倒退八成四,似乎反映生意妝容火速甩色;二是市況唔就,理論上牛市交投強勁對新股最有利,但港股由腳軟進化為腳震,新股的爆升力或會大打折扣。

不過一個銀仔有兩面,大家回想兩、三年前股市淡淨時,焦點就係落在新股及股仔之上,有《100毛》品牌、有話題再加少許明星光環的毛記葵涌,正符合淡市焦點股的條件。至於盈利倒退,既可以係缺點亦可以係賣點,盈利倒退即是有上升空間,而且近半年毛記葵涌確實積極開拓新財路,包括為催促皇牌藝人出新歌,以及搶黃子華閘搞棟篤笑,加上廣告大客基本盤,有機會像日清食品般上市後盈利大躍進。假如集資所得一億元並非消極地拿來買寫字樓,而是用作發展一些具想像力的項目,這份憧憬亦足以在市淡時吸引投資者快炒多幾轉。

不過毛記葵涌炒作上仍有一大缺點,便是保薦人牌頭不及彌明BB選用的一間,按此推斷,上市後要像彌明BB股般升唔停就有一定難度。幸好反正大家都可能只分到一、兩手,當逆市賺兩個星期飯盒錢,已經要多謝「腦細」吧。

===============

財經精選資訊網站「中環街市」  臉書粉絲頁

最近的19+幾樣野

【轉載文章】華為太子女被捕4大疑點

有錢人戴手錶的哲學

止賺其實是折讓(湯文亮)

誰來拯救廚師腸?

毛記葵涌有盈喜都唔講(隨心)

不要奢望樓價會下跌35%(湯文亮)

熬夜猝死 原來都有保險⋯⋯(隨心)

《少年JUMP》真人騷 揭示日漫市場問題

大市弱,但新股照趕撲水⋯(隨心)

港珠澳大橋通車後 旅遊業八大難題