香港搞網購⋯會唔掂?(石先生)

「網店?點會掂!香港咁方便」

網店起家嘅彌明生活百貨成功上市,似乎引證左咁嘅想法唔再符合現實。當然,彌明生活百貨上的只是創業版,相比主版唔少零售公司嘅市值仍然係九牛一毛,但卻證明以往覺得一定唔得嘅野,依家未必唔得。

上星期網上有條片街訪啲年青人對歌手嘅認識。90 後識嘅係周杰倫、00 後識嘅係 G-Dragon,但最需要令你反思嘅係最後一位受訪者。佢話佢認得邊個係「鄭秀文」,因為呢個佢阿媽鐘意。無錯!係佢阿媽鐘意。

計計數,90 後最大嘅今年都 28 歲,00 後也都已經踏入 18 歲,時代已經變哂。年青人眼中,周星馳都係傳說中嘅電影明星。今時今日嘅年青人,唔會抗拒係網上買野。你或者仲疑惑緊「點解啲人敢上網買野」,但你問問身邊嘅年青人,有邊個未試過係淘寶、Amazon、樂天、GmarketZALORA 等網店買野。

望望對岸台灣,佢地無好多唔信自己國家出品嘅遊客幫襯,但網購比香港更盛行,舊嘅 PCHOME,新嘅蝦皮打過你死我活,零售除咗新起嘅商場成為大家拍拖行街嘅好地方外,買野一早已經轉落手機,所以賣以水貨起家嘅莎莎撤出台灣都有道理。

好多人覺得香港嘅網購一日未發展成熟,實體店都唔會有問題,但其實購物行為已經改變,行街可以只係睇同體驗,但買嘢可以留返喺手機上進行。手機上睇嘅野無地域限制,香港網店無賣嘅野,可以去外國搵,計埋運費都可能一樣價。

香港嘅網購發展側重超市類,因為超市有強大嘅流水帳,但其他無強大流水帳嘅行業一樣需要發展網購,因為唔發展,最終只會被外國網購搶走生意。

作者:石先生(科技博客Stone IP

===============

財經精選資訊網站「中環街市」  臉書粉絲頁

最近的19+幾樣野

VAR改變世界盃,也可以改變經濟(石先生)

兩大隱憂 沽騰訊買茅台唔係無得輸

小米終於出場,十年會變什麼?

世界盃32隊 哪個國家經濟實力最強

沈大C:我睇啲嘢早咗

【內地爆料文章】電影圈洗黑錢內幕曝光

傳媒業份外淒涼(奧雲)

【屯馬線啟示】馬鞍山高級過屯門?

樓上舖攻守皆可?(黃漢成)

俄羅斯神貓 準備預測世界盃賽果