使用條款 | 私隱政策

派電子利是 朋友難避年(石先生)

年三十,今晚當然係食番餐團年飯,準備明天大年初一可以拜年逗利是。

經過一輪嘅預熱,香港嘅流動支付終於進入真正嘅搶用戶時代。這邊 WeChat Pay 玩食麥記減十蚊引你加信用卡,那邊的 Tap&Go 借年廿八配合神沙機增值 HK$200 HK$20,務求用錢吸引用戶。

雖然用錢吸引用戶呢招似乎萬試萬靈,但唔想洗錢嘅可以點呢?八達通、PayMe 就選擇模仿番 WeChat 當年係大陸好成功個招「派利是」,齊齊係 App 入面新增「利是」功能。相比起 PayMe 毫無誠意咁只係喺訊息位改左個背景圖,八達通就有誠意得多,額外加入一個「e利是」功能,可以一個一個人咁派/逗利是外,仲可以預設唔同金額嘅利是,同時發俾一堆朋友等佢地去搶,玩法同 WeChat 利是大同小異。

中國地大人多,派封利是俾親友都唔係咁容易,加上其他獨有國情,電子利是風行不無道理,但香港地小人口密度高,放假未回血又返工,有心派利是嘅好易派到,電子利是或者只係一個宣傳工具,未必可以大行其道。

根據實試,八達通嘅逗利是功能都算好用,好在可以唔理三七廿一向所有朋友發送「逗利是」要求,漁翁撒網博一博。如果你身邊有啲朋友好鐘意避年,不妨整個「逗利是」request 俾佢,等佢想避都無得避。

作者:石先生(科技博客Stone IP

===============

財經精選資訊網站「中環街市」  臉書粉絲頁

最近的19+幾樣野

華為「麒麟OS」難救近火

網民熱議:馬拉樓是不是騙局?

內地美女演員 轉行做劵商銷售引起爭議

上班痛苦不已 很多人也不敢辭職(黃大米)

特朗普的領呔 會不會受貿戰影響?

特朗普被揭8年前 已想加中國關稅25%

內地玩家對騰訊新遊戲不滿:沒有「一槍爆頭」元素

急放股票膠事錄

「樓市泡沫論」就快十週年

美漫書商:《復仇者聯盟》在製造泡沫