華人特別對錢敏感(石先生)

到底係香港市場獨特,還是華人特別對錢敏感?由當年 TnG 推廣搞增值 $100 $100,到之後 Payme 搞推薦朋友最多送 $100,推廣嘅手法離不開送錢,就連騰訊旗下嘅 WeChat Pay 係香港落地,大搞宣傳都一樣要用「錢」來吸引用戶。

今次 WeChat Pay 嘅做法唔係直接派錢,而係同剛剛易名為金拱門嘅「麥記」合作,凡消費滿 $25 就減 $10,由 2 5 日連做 15 日。以香港人慳得就慳嘅性格,睇怕到時金拱門應該都塞得到爆。如果你有食開金拱門嘅話應該記得早輪日日十蚊帶來嘅排隊地獄。當時大家用現金或八達通一拍即付都塞爆舖頭,今次大家仲要用煩幾倍嘅 QR Code,到時一係唔知邊襟個制,一係 WeChat Pay 入面無錢,要即時加信用卡入去,真係諗起都頭㾗。如果你係「麥記」嘅同事,有無諗過未來 15日辭職,第 16日先再次入職呢?

Facebook 關閘趕客走

係股市大旺嘅一月,加密貨幣除左突然跑一下嘅升幅外,平時就好似心跳咁,朝早跌啲,夜晚又升番之外。即使尋日證監明言部份 ICO 可能屬於證券需要監管外,大家對加密貨幣仍然熱烈,開礦嘅繼續搵卡買,搞雲礦嘅繼續搵客,搞 ICO 嘅繼續度橋,無咩大變化。

雖然參與者無咩變化,但除左各國監管機構漸漸出手,依家連網上霸主都出手阻止。Facebook 尋日開始禁止部份與加密貨幣嘅廣告刊登。根據 Facebook 嘅說法「不得宣傳經常與誤導性或欺騙性促銷活動相關的金融產品和服務,當中包括 ICO Cryptocurrency」,有玩加密貨幣嘅朋友真係要小心啲。

上半嘅 WeChat Pay 與下半嘅加密貨幣無關係?LINE 近日宣佈係日本開設子公司,專營加密貨幣交易,仲會賣保除及貸款。睇落無關係嘅野,其實都可以好有關係,唔知來緊大家會否用 LINE 來買 coin 呢?

作者:石先生(科技博客Stone IP

===============

財經精選資訊網站「中環街市」  臉書粉絲頁

最近的19+幾樣野

沒有假盤,物業代理便沒有存在價值

阿信屋⋯如何走下去

【熱話】港人北上的變化

哈爾濱禁產銷冥通 憂貿易戰打到去陰間

李開復談人工智能:中國可引領實踐時代

上過很多股票班後發現⋯炒股最重要是紀律(奧雲)

「土爆」之後 下一個到中國爆?

填海並不是話填就填

內地人花25年 謀了富翁身家

我從馬時亨身上 學懂的6件事