日資勢將統一譚仔米線

丸龜製麵母企東利多控股Toridoll Holdings Corporation公布,繼五月收購譚仔雲南米線後,將再出手收購本地米線界另一巨頭譚仔三哥米線,完成交易後,日資勢將統一米線天下。

上回收購譚仔雲南米線,東利多控股已斥資約十億港元。譚仔三哥擁有56間分店,較譚仔雲南米線還要多四間,加上靠平日目測,基本上無乜邊間三哥生意淡薄,收購價如無意外應超過十億元。

東利多控股在公告中強調,完成收購後透過兩大品牌,集團在本地米線市場佔有率將擴大至七成,未來將發揮兩大品牌協同效應進一步擴展米線業務。斥逾廿億統一米線天下,拋出的遠景當然亮麗。不過譚氏兄弟雖然各有各做,但他們都是做生意高手,前後腳把心血割愛,難免係睇淡本地米線市場後市。

事實上,強如大家樂中期業績反映餐飲業收入上升純利下跌趨勢,譚仔人工出手較快餐集團更闊綽,近月新增分店落戶地點租金亦唔平,要提升純利就要較快餐集團要花更多工夫。而且米線市場亦不乏後起之秀,其中較進取的米線陣就來自大家樂集團,單睇金鐘分店,中午時間擠迫度跑贏唔少譚仔旺區分店,大家樂中期業績亦提到包括米線陣在內的休閒餐飲業務,收入增長達9.2%,更勝快餐業務的5.7%。所以東利多控股即使統一米線天下,亦不代表可以坐定定等收錢,甚至可能要不斷投入資本迎戰強敵。

當然宅男及OL等米線店忠粉,日資統一米線天下後,再毋須爭論三哥抑或譚仔雲南好食,皆因大家都是屬於同一集團,食材湯底亦可能出自同一中央廚房,實不用分得那麼細吧。

===============

財經精選資訊網站「中環街市」  臉書粉絲頁

最近的19+幾樣野

揀財經書三大竅門

比亞迪是如何揭發 假女高層騙局

iPhone網紅:我開始討厭蘋果

小米同騰訊 根本無得比

給港鐵的建議:多種支付方式入閘(石先生)

注意﹗倫敦金的騙局特徵

小米「首置客」 點樣可以賺一倍?

共享單車為何沒有盈利?Gobee.Bike六大死因

TVB解散體育組 隨時自斷米路

5年加1600蚊月薪 咁都算顯著增長?