使用條款 | 私隱政策

Paypal都搞小額投資(石先生)

提起「支付寶」,大家應該都知道撐起佢嘅係「淘寶」,而令到佢爆發嘅就係「餘額寶」。

將客戶存放係自己嘅錢借俾人賺息差,或者拿去投資係銀行一直以來都做嘅事,但銀行俾客戶嘅息基本上係固定,銀行拿去借俾人又好,投資又好,賺幾多都係銀行嘅事,唔會關客戶事。「餘額寶」推出時能夠咁爆,吸引千萬用戶將錢轉入「餘額寶」,強就強在佢甘於將自己投資賺到嘅錢同客戶分享,令平民白姓即使拿住一百蚊都有一個進入股市賭錢嘅機會,係一個人人都渴錢嘅社會,試問有邊個能夠抵抗呢種誘惑。

一個凡人平白無事唔會有閒錢拿去投資,但佢實有啲錢擺係銀行備用。一個一個人計,呢啲備用嘅錢唔多,但好多人夾埋嘅話呢啲錢就唔係一個小數目。銀行咁有實力都係因為大家將呢啲備用錢放哂係佢到,如果人人都將呢啲備用錢由銀行拿走,拿去好似「餘額寶」呢啲小額投資嘅機構話,銀行頭都大埋。

Paypal 最近開始同自己有份投資嘅 FinTech 初創 Acorns 合作,部份特選用戶可以將自己嘅錢匯入 Acorns 俾佢小額投資。幫你由小處著手,將你買杯 Starbucks 找續嘅「神沙」自動拿去投資,賣一個發達嘅希望俾你。

中國人抵擋唔到「餘額寶」嘅誘惑,其他國家嘅人一樣抵擋唔到,而且今次唔需要你本身有一百蚊,而係每日幫你駛多一個幾毫,將你跌左都唔可惜個五毫子成為你投資嘅資本。

呢個得一個幾毫都可以賺錢嘅誘惑,香港都有人準備緊,你準備好未?

作者:石先生(科技博客Stone IP

===============

財經精選資訊網站「中環街市」  臉書粉絲頁

最近的19+幾樣野

【轉載文章】華為太子女被捕4大疑點

有錢人戴手錶的哲學

止賺其實是折讓(湯文亮)

誰來拯救廚師腸?

毛記葵涌有盈喜都唔講(隨心)

不要奢望樓價會下跌35%(湯文亮)

熬夜猝死 原來都有保險⋯⋯(隨心)

《少年JUMP》真人騷 揭示日漫市場問題

大市弱,但新股照趕撲水⋯(隨心)

港珠澳大橋通車後 旅遊業八大難題