使用條款 | 私隱政策

香港家長好慘﹗養晒上下兩代

成日話最慘係年輕人,但其實,高不成低不就嘅香港家長,又要養仔女又要養父母,都可以好慘。

最近就有個匯豐委託研究機構Kantar TNS做嘅調查,根據調查,機構在今年年初以網上調查方式,總共訪問咗100025歲以上嘅香港市民,以了解佢哋嘅供養情況,結果顯示,平均75%受訪者正供養至少一名家庭成員,當中73%正供養父母,最擔心係年長父母嘅健康與照顧費用。

而另邊廂,卻有47%的受訪者有供養成年子女習慣,當中超過60%,供養緊30歲以上嘅中年子女;其中成年子女支出最多是教育,佔52%,其次係幫仔女交水電費、雜貨或家居維修等日常開支,佔47%,至於仔女嘅旅行費用,都佔總支出兩成。

另外,每5名父母,就有一位有幫子女置業。

換言之,香港家長,以前只需要面對高齡父母的醫療開支壓力,但今時今日,卻要同時要面對中年子女的生活問題,被夾在家族資金鏈的中間。

只要中年子女或者高齡父母稍為有大開支,已經會百上加斤,再加上自己即將面臨退休問題,嗰種慘,如果你都經歷緊,應該會感同身受。

更重要的是,有別於上一代,今天的你很難要求年輕人像自己對高齡父母般對待你,即使代付了首期,也不能保證晚年就能與家嫂/女婿同住,去到最後,防老都係要靠自己。

(備注:受訪者可選多於一個選項)

===============

財經精選資訊網站「中環街市」  臉書粉絲頁

最近的19+幾樣野

上市公司核數師 Big4龍頭執位?(隨心)

歐洲爆發「Big Mac亂局」

新樓賣得太好其實是死罪(湯文亮)

嘉湖海逸變五千戶 至少有三大示範作用

埃崎寶供股之死(隨心)

大埔老居民分析 天鑽的缺點

市傳新iPhone 會改用USB Type-C

外國職場網站訂出 一月份快樂日程表

讓剌身,回佣消失去(湯文亮)

2019年不宜遊日?