馬雲新超市KO百佳? 網民嘆香港好落後

今年對香港人仲有一件事值得留意,就係內地由阿里巴巴集團全資子公司開嘅超級市場「盒馬鮮生」,突然間紅透半邊天,連美國佬去北京分店,都要拍條片話讚不絕口,來勢凶凶。據了解,現時內地唔少人,已將盒馬鮮生,視之後比香港先進嘅象徵。

點解要寫呢個話題呢?皆因日前有香港網民自己都以「百佳玩完了……馬雲新超市已經完勝百佳」為題出post,慨嘆香港好落後,仲獲得唔少人認同。

簡單講,盒馬鮮生20161開設第一間店,到今日已經開咗15間,係一間主打唔收cash嘅超級市場,顧客入內只能下載APP,綁定支付寶,先可以購物消費;不過店內全免費Wifi,打通晒淘寶、支付寶會員體系天貓生鮮、天貓超市聯合採購,一路行街一路上網買,亦得,就呢點睇,目前限於儲下分嘅百佳,真係完全做唔到。

最近香港嘉里酒店開咗個新food court叫百味村,食客可以坐喺自己位用App上網落單,慨念差唔多,只不過唔係零售。

以營運模式睇,超市本來係現金流行業,但盒馬鮮生卻唔要呢啲「肥水」,早已有內地媒體問過盒馬負責人,係咩咁把炮令佢哋唔要現金?仲記得當時負責人解釋,盒馬堅持線上線下結合呢種營運模式,所以堅持唔要現金。(更新:根據最新安排,真係唔識用支付寶嘅人,可以獲安排用現金代付)

睇返片中位美國人對盒馬鮮生驚為天人,驚訝於點解中國人食飽魚可以咁平,尤如一個大鄉里出城。雖然當中唔知有幾多成係戲,幾多成係真,但盒馬鮮生的確係目前內地嘅領導者,帶起咗零售改革,蘇寧都推緊蘇寧小店,結合APP推出便利店式門市。

當然,線上線下結合本來就係趨勢,今年6月,亞馬遜宣佈以每股42美元、總價值137億美元價格收購全美最大天然有機食品連鎖零售商全食超市,就係呢種趨勢嘅證明,分別只係,過往走在全球之先嘅香港超市行業,唔知係幾時開始落後於大市。

不過有網民都有提出反對意見,首先有人覺得手機涉及私隱,驚購物時會被中央政府取得資料;又有人提出香港政治現實,話後生仔唔用中國貨,馬雲點勁都攻唔到港,做支付寶式收費好難有得做;有人關心如果全電腦化,以後就無靚女收銀,有人則感慨:

「我凈系知道李生想賣盤,啲飛機友出曬黎反對啫」

唔知你又點睇百佳的前途呢?

去片:

來源:香討

===============

財經精選資訊網站「中環街市」  臉書粉絲頁

最近的19+幾樣野

外國研究:發小達要靠嫁得好

共享單車泡沫爆破?內地政府急叫停

嘉頓中心吃力不討好

外國研究:靠父幹 可以唔講錢

八達通終於被解放了(石先生)

網民再創霸氣豪宅名 齊齊住入「你家。城」

內地爆紅奶茶店 又贏「港式」

點解無咗iPhone 9?

馬雲新超市KO百佳? 網民嘆香港好落後

股神一早押注科技股 仲勁賺逾6.5倍回報