小朋友唔再玩玩具?玩具反斗城恐破產

正當大家都講緊點解LEGO生意都搞唔掂之際,今日CNBC引述消息指,玩具反斗城(Toys“R”Us)已聘請律師行安排重組4億美元、2018年即將到期嘅債務,如果呢個聖誕節都唔能夠增加生意或者搵到融資救亡,玩具反斗城隨時破產。

玩具反斗城近年受到WalmartTarget等超市夾擊,連紐約時代廣場旗艦店都摺埋,截至今年4月底,長債達50億元,手頭現金僅3億美元,對住巨額債務,無疑係杯水車薪。

現時本港有13間店,暫未知會唔會受影響,不過講起玩具反斗城,作為百貨模式嘅玩具店,強項係包羅萬有,但就有少少過時。今時今日家長會攜子女入反斗城,普遍都只係「反斗」,真正幫趁還是要去專門店。

以前每個香港人細個,都夢想可以入去,坐上啲車車、玩具屋仔,買LEGO就更加係指定動作。

之不過,今時今日,似乎到咗買LEGO都唔使去玩具反斗城嘅時候,難道入去只買高達模型嗎?買開都知道,呢個地方買模型,總會貴幾嚿。

有人話係因為智能手機嘅出現,令細路唔再對玩具有興趣,玩《Lego City》都唔玩Lego,呢個原因,係有少少影響,但你睇旺角信和、現時點,假日都有唔少細路出沒消費(外國細路則以網購居多),你就會知道,小朋友唔係完全唔玩玩具,只係似乎玩具反斗城嘅歷史角色,已經完結了。

來源:CNBC

===============

財經精選資訊網站「中環街市」  臉書粉絲頁

最近的19+幾樣野

VAR改變世界盃,也可以改變經濟(石先生)

兩大隱憂 沽騰訊買茅台唔係無得輸

小米終於出場,十年會變什麼?

世界盃32隊 哪個國家經濟實力最強

沈大C:我睇啲嘢早咗

【內地爆料文章】電影圈洗黑錢內幕曝光

傳媒業份外淒涼(奧雲)

【屯馬線啟示】馬鞍山高級過屯門?

樓上舖攻守皆可?(黃漢成)

俄羅斯神貓 準備預測世界盃賽果