Apple 還在尋找下一個高峰(石先生)

上次同大家講完 Facebook,今次同大家講下好多人都好鐘意食嘅「蘋果」。呢個專賣電子野嘅 Apple 好多人都好鐘意,貪佢現金多,有品牌價值,推出新品巴閉到連新聞台都要講,唔少人都好想買佢股票。

Apple 聽落雖然好吸引,但 Apple 其實都面對唔少問題。好多人用嘅 iPhone 全球市佔率一路跌緊,由最高約 30% 跌到依家得番 20% 左右,即使售價無跌過,但市佔率有跌無升,可見唔少消費者已經唔會再只選 Apple 或為咗買 iPhone 賣腎,依家嘅 iPhone 吸新客嘅能力已經比以往低好多,能夠 Keep 住班舊客已經算好好。

點解會咁?iPhone 再勁始終都係智能手機,智能手機市場除咗 iPhone,仲有同樣賣高科技嘅 Samsung,又有賣設計嘅 SONY,更有賣影相嘅華為,也有專賣低價嘅小米及一眾中國品牌。iPhone 只係行高貴路線,要保住啲舊客唔係問題,但要吸到由 Android 轉會過來嘅新客真係談何容易。

iPhone 前景有限,傳統嘅電腦市場銷售年年下滑,曾經希望大賣嘅智能手錶又證明咗唔會引發熱潮,人手一隻,未來 Apple 仲可以賣咩致富真係令人疑惑。

係咪講 Apple 會執?咁又跨張咗啲,只係 Apple 歷年來依靠軟體結合硬體,並通過降低生產成本賺錢呢條方程式似乎已經去到盡頭,來緊就算出智能喇叭都未必幫到幾多,至於相對比較中期嘅智能家居及智能汽車,Apple 明顯都無主導權。Apple 會否仲有下一個高峰真係望極都未望到。

作者:石先生(科技博客Stone IP)

===============財經精選資訊網站「中環街市」  臉書粉絲頁

最近的19+幾樣野

過氣藍籌思捷 幫大家上了一課

點解Tim Cook 一條線都縮骨? 

【Forbes富豪榜】菲裔富豪衝擊「福建幫」

馬雲退休公開信全文

樓價是否繼續跌的關鍵所在(湯文亮)

內地難興建「港式新市鎮」

5G時代不可忽視Nokia(石先生)

中國網民寫的「上網安全指南」

評莊太量的「還公屋肥雞餐」

沉穩李澤鉅做「蝕本生意」?